Saturday, April 19, 2014

 德 國總理玩謝中國



德國總理默克爾送畀中共習近平的 1735 年地圖,有咩含意?你話呢?作為來自前東德接受共產黨統治,走上推倒柏林圍牆民主運動的默克爾,送一張只有漢族十五省領土的「中國地圖」畀習近平,你話有 咩動機呢?

唔知?唔緊要,睇下黨報話習近平在德國講乜?「中國從不殖民 未來有賴和平....中國歷史上 曾經長期是世界上最強大的國家之一,但沒有留下殖民和侵略他國的記錄。」--想借德國過橋,去參觀二戰遺址來抽日本水喎, 你呢D 靠暴力高壓統治的密室權鬥「政治家」咪出去被真正的民主政治家玩返你囉。

中國沒有「殖民紀錄」?對唔住,你這個漢族國家的土地只有這十五省(後來的十八省),自古以來漢族土地係乜野?就係這些土地;而漢族以外的土 地,全部都係殖民同侵略返來的;德國係一個血統論的國家,直至近幾年先開放「非德意志族」的移民,正如你所謂「中國血統」才被兩岸政府承認為 「中國人」的血統論國家,之但係你所謂「中國」,真相就係「漢人國家」,要寫漢字,講漢語,係漢族統治的國家,西藏?新疆?蒙古?滿洲?對唔 住,除了滿洲因為侵略,在辛亥革命後反變成「被侵略」之外,全部都係漢人殖民,而成為「中國」的「一部份」。

而更過癮的係,1735 年時,無論「德國」或者「中國」,都只係一個地理名詞;在「德意地地區」,名義上有一個由奧地利皇室統治的神聖羅馬帝國查理六世,而德意志各邦即今日德國 的大部份,只係受奧地利名義上統治的諸侯國;而奧地利皇室統治的「哈布斯堡帝國」,除了「神聖羅馬皇帝」名義統治的「德意志諸邦」之外,仲身 兼「波希米亞國王」(即捷克)、「匈牙利與克羅地亞」國王,「塞爾維亞」國王、以及本身出處「奧地利大公」的稱號;用歐洲歷史的觀點套落「中 國」,即「漢帝國」與「蒙古大汗」、「滿洲汗王」、「西藏王(七世達賴喇嘛或和碩特汗)」與「準葛爾汗」(新疆) 根本是不同的獨立部份,而更重要的是,當時準葛爾汗國仍然是獨立王國,大清滅準葛爾是 1757 年的事,而大清在 1720 年才幫助七世達賴,把三年前消滅西藏「和碩特汗國」的準葛爾人趕走。

事實上今日所謂「中國人」,經常用漢人打飛機的妄想,去把當時身為滿洲殖民奴的漢人,當係大清的主人;滿洲人就是女真人,實際上滿洲統治者只 不過「以漢制漢」,由漢文寫成「藩部」及由「理藩院」,去統治非漢人土地的統治架構,而只有漢人的土地才以漢人的方式統治;因此,即使在大清 統治之下,所謂「中國」──漢人的國家,即以漢人制度所統治的國家,根本只有「漢土十八省」──即來自大明領土原有的十五個承宣布政使司的土 地,亦即今次默克爾所贈與習近平地圖的土地,才是「自古以來」的「中國」;至於蒙古、新疆同西藏?對唔住,佢地係滿洲人殖民回來的,關你漢人 咩事呢?好啦,就當關你事,那麼滿洲人殖民果條數,你漢人認唔認?定係又唔肯認殖民,但係就要土地,咁都得? 

再讀大公 報的擦鞋評論真係笑出聲 1.「德國繪制的第一幅精確的中國地圖」係愚人節笑話,因為 1735 年根本沒有「德國」。 2. 「地圖意味着德國人對中國重視的開始」更加係笑話中的笑話,一個唔存在的國家,又點樣重視你?勉強講係「德意志人」,而唔係「德國人」 3. 「贈送給習近平,代表着德國和中國的交往源遠流長。」呢段真係笑到忍唔住嘴,一個唔存在的國家,又點樣同你「交往」呢?又如何「源遠流長」同你交往呢?在 1871 年 1 月 18 日普魯士國王威廉一世,在當時普軍佔領的法國首都巴黎凡爾賽鏡廳宣佈成立「德意志帝國」之前,地球上在此之前根本沒有一個叫做「德國」的國家,請問「德 國」同「中國」如何「源遠流長」地「交往」呢?

在 1871 年之前的地球,「德國人」成為皇帝的國家有兩個,一個係德意志漢諾威皇室統治的「大英帝國」的維多利亞女皇,而另一個就係奧地利皇室的 Franz Joseph I of Austria;在 1735 年,當時統治德意志地方的國家就係奧地利,而今日送你地圖的係德國,而唔係奧地利,請問如何體現「源遠流長」的交往呢?

至於明報引述的擦鞋言論就更作嘔:「地圖展現的是中國全盛時的局部樣貌,或意味德國方面向中國人傳達出了這樣一種信息——習近平是否能像先人 一樣領導中國,使之成為國際焦點?」──認真,我有需要評論呢段垃圾嗎?

仲有最後的笑點:其實這張地圖,係法國人 Jean Baptiste Bourguignon d'Anville 所繪製的,所謂「德國繪制的第一幅精確的中國地圖」,啊,係講緊「德意志地區」的公司所印刷的.....

No comments:

Post a Comment

Note: Only a member of this blog may post a comment.