粵語之戰系列 -魯迅都可以寫

 「丟那媽！」

小 時學中文，唔係由課本學起，唔係由學校教起，而係外公以三字經，武松打虎、楚漢相爭、三國演義等民謠，將中國嘅歷史、典故、傳統故事植入 三、四歲嘅心靈； 呢啲地道嘅方言文學，經歷家中幾個長輩分別授以潮州話、客家話、福建話等南方語言，加上香港用的廣東話，一生受用無窮。

南方語言之美，在於言簡意賅，甚有文言古語之風；近年香港新興之「潮語」，即常以古語新用，如「頹」－－單字卻包含了頹唐、頹廢的背後種 種含意，後生仔有共嗚，活化舊詩詞，有咩問題？點解考評局要「潛水怕屈機」，出來說三道四？

今日的香港人、廣州人，面對數典忘宗的漢奸政府，只會認賊作父，把北方胡語就有如滿州的旗袍，當成是漢人的傳統；「丟那媽！頂硬上！」不 但是袁崇煥的名句，更是由民初至抗戰期間，全中國都通用的名句。

中原大戰（約 1930 年）時期，遠在山西嘅《山西日報》登了篇打油詩：「國事真是丟那媽，近日心事亂如麻，從來不食山西醋，爭看佳人郭豔霞」

茅盾 《子夜》十一：「丟那媽！那一天很不巧，徐曼麗賴在我那裏還沒走，那茄門人就來了。」

魯迅 《偽自由書•對於戰爭的祈禱》引黃震遐 《大上海的毀滅》：「丟那媽，死光就算了，走什麼！」

如果連上述幾位大文豪都可以寫嘅「丟那媽」？包括中共多年來推崇備至的魯迅都可以寫，為何今日不容於袁崇煥的雕塑？

黃 震遐 《大上海的毀滅》記載著嘅，就係廣東人嘅驕傲－－ 1932 年 1 月 28 日「一二八事變」中，廣東人組成的國民革命軍第十九路軍，以原始落後裝備，在上海堅拒日軍精銳一個多月的歷史。喺上海嘅海軍指揮官鹽澤幸一少將，出兵前曾 表示「支那兵喺太監兵」，日軍只需要四個鐘，就可以踏平上海－－結果兩個月冇出糧嘅十九路軍，卻藉著「丟那媽」衝鋒嘅勇氣，連番擊退日軍 的攻擊，驚動租界 內西方各國傳媒，原本全世界都以為中國必慘敗，卻迫使日本撒換主將，數度增兵，以坦克、艦炮、飛機增援，都無法擊敗十九路軍。

點解？因為呢次中國軍人不怕死，點解唔驚？因為廣東文化傳統，流著就係「忠、勇、義」嘅大丈夫文化。由洪秀全到孫中山，敢反抗政府嘅革命 義士，多半都係南方人，特別係廣東人。

王亭之記載：『「台兒莊浴血戰」中。大刀隊隊員赤裸上身，摸黑行動，右手執著大刀，左手向前摸索，若對方也是沒穿上衣，即是自己人。若對 方穿著上衣，便是日本鬼子，於是便大喝一聲「丟那媽」，然後手起刀落，將其頭顱斬於腳下，這一役，史稱「台兒莊大捷」。

自此之後，日本鬼子只要聽見「丟那媽」三字便已以心膽俱裂，大刀隊的教官耿德海居功至偉。』

點 解黑社會要拜關公？點解港產片成日都講「江湖」？香港黑社會原本係來自國民黨來港嘅殘餘孤軍，在殖民地下過著不見天日嘅生活，這種歌頌 「忠、勇、義」嘅文 化，就係廣東人一直流傳嘅文化；同樣的，點解日本漫畫在香港大受歡迎？原因就係日本文化與廣東文化交集點，源自孟子名句：「威武不能屈」 －－不屈嘅大丈夫 精神。

今日「大丈夫」在日文解作「冇問題」，廣東人就成日教小朋友：「男子漢大丈夫」，代表嘅就係呢種不屈不撓嘅鬥志！對日本人來說，大 丈夫就係「頂硬上」，因此「總之冇問題」啦！在日本，無分男女人人都要說「大丈夫」，來表達「冇問題」嘅意思。點解孟子的教訓，不見於北 方胡語，卻見於日 文與廣東話呢？

消滅廣東話與南方嘅方言，就係消滅漢人殘存的根；當李白嘅《靜夜思》可以在日本保留「床前看月光，疑是地上霜，舉頭望山月，低頭思故 鄉。」嘅原文，這句明明今日廣東話都仲押韻嘅古語，卻在中國為遷就北方胡語變成了「明光月、望明月」嘅假唐詩。

諷刺呀！如果抗戰中國被日本征服，我們漢人反可重獲漢、唐文化嘅真傳；如今抗戰勝利了，丟那媽的中共卻要迫使我們南方最後嘅漢人，認賊作 父向韃虜的語言投降，毀滅自己幾千年傳承嘅文化傳統。

亦因此，中共才要拆毀袁崇煥雕像上嘅名句，不如禁埋寫「丟那媽」嘅魯迅呀笨？慈禧太后「寧贈友邦，莫予家奴」去對待我們漢人，難怪新一代 「寧學英文，莫煲冬瓜」，這是廣東人被北方諸胡教落幾百年嘅教訓。