着草體驗紅軍「長征」，不如體驗埋做慰安婦

   ·
着草體驗紅軍「長征」，不如北上橫店接受幾個抗日劇着皇軍服的臨時演員，體驗埋做慰安婦，加入拍戲行列，加強愛國反日正確思想。👍👍👍

若有此壯舉，記得事先必須與橫店負責人聯絡，揀嗰幾個扮皇軍之中國臨記，千祈唔可以太後生靚仔，以免體驗完之後，打卡交換微信、依依不捨，缺德失貞之外，加深戀日情結，該燴咯，咁就笑死高市早苗。

搵幾個當地農村請來的阿伯扮日軍，啪定偉哥，對住成班女生，如狼似虎撲上陣，加強慰安體驗厭惡指數。當然關鍵時刻就要嗌Cut。否則啲女生返到嚟香港個個要跳樓，校方同保險公司多多錢都唔夠賠。

「體驗教育」（Experimental Education) 係西方左膠近年推行之DEI 課程，透過學生親自經歷、動手協作、從而對社會進行透徹反思，好得意㗎。

例如，要體驗二百年前英美白人販賣黑奴的罪惡史，美國加州紐約的中學，會叫幾個白人中學男生出來，在課室內就地腳戴銬鐐，身披鐵鏈，赤裸下跪爬行，接受幾個黑人同學瘋狂鞭打，親自體驗當年白人種族主義者施加於黑奴之痛苦。體驗之後，表態感受， 受害人當然一致認為從此更加憎恨Donald Trump喇，不過幾個衰仔，私底下仲坦白承認，唔俾人鞭過仲唔知，開拓咗佢哋嘅sexuality嘅self-awareness添。

所以個個禮拜只舉行升旗禮，當然唔夠，加強愛國體驗教育，香港特區女生除着草鞋，在課室原地踏步，戒除買波鞋必Nike 的崇洋陋習，仲有好多憶苦思甜的體驗，包括着一套小鳳仙裝內兼唔好戴Bra改着紅肚兜返學，由萬惡的港英時代並行大清律例娶妾侍養妹仔，到江澤民悶聲發大財時代東莞夜總會之女同胞慘遭香港廠佬魚肉欺凌。德貞女子中學開此先例，必榮獲蔡苦蓮教育局長高度表揚，增加撥款。全港Band One 女校，包括DGS、瑪利諾，你哋重觀望咩嘢呢？

至於英華，因為有「再見十九歲」之拍紀錄片導致抑鬱症的慘烈前科，就可以暫時無需加入此國安體驗課程，直到心理醫生認可安全為止。

 陶傑

 中海物業聯同深水埗居民聯會，10月2日喺德貞女子中學合辦「國家安全長征路」主題活動，約120名師生參與。據《堅料網》報道，學生先觀看長征紀錄片《為有犧牲多壯志》選集，再到「重走長征路」體驗區，接觸草鞋、紅軍帽同號角等物品，並獲安排試穿草鞋，感受主辦方所稱嘅穿着不適及過草地嘅辛苦。活動獲深水埗民政事務處等支持，助理專員連啟晉親自為影片導讀，講解血戰湘江、爬雪山過草地等歷程；居民聯會理事長陳偉明則勉勵學生建立總體國家安全觀。

中海物業係中國建築集團旗下嘅香港上市物業管理公司。至於物管公司點解參與校園教育，公司副總裁王知剛今年5月喺系列活動啟動禮表示，合辦活動係落實習近平強調「賡續紅色血脈，傳承紅色基因」指示嘅具體行動，希望年輕一代學習團結、堅持同奮進，並稱公司會繼續同各界舉辦愛國文化活動

呢項合作至少可以追溯至2025年，當時中海物業同居民聯會已合辦「中國歷史文化進校．區」系列，以抗戰勝利80周年為主題，王知剛亦表明會同更多學校及社團合作。今年系列改以長征勝利90周年為主題，5月啟動時已提出將國安意識融入活動，並安排校園及社區體驗、觀後感徵文等。上述活動報道未有交代各方出資額、教材審核程序，以及學生是否自願參與。